رسالة من بغداد إلى كل العراقيين
<BLOCKQUOTE class="postcontent restore ">
أحــس روحي غريـبـة هنا من يـوم إلتركتــوني
تانيـــت سنيــــن ودهـــر حتى ترجعــولي
ثاري العمر كله إنكضـه وإنتم هجــرتـوني
لميــت جــروح القـلب ونشفـــت دمــوعــــي
وبثـوب الحزن غنيــت يا لرحــتوا سمعـوني
بغــداد ذكروني إبوكت وكلمة إكتبـوني
مريت وكت العصر ،، متعني يم حمود
خدرلي جاي وبجه ،، وسولف سوالف سود
كال انته من ياسلف ،، كتله ابفرات الجود
دورته بالخارطة لن الوطن مفقود
ومريت للمدرسة اتامل الطلاب
شو شفت طالب بجه وحط بين اديه كتاب
بيه خارطة للوطن وعيونه كله عتاب
كتله ابني كافي البجي بالصف تره ممنوع
يابويه بعدك طفل وتبجي بجي مفجوع
كال انه بالخارطة الكيت الوطن مبيوع
متواعد ويه الفرح
والوعد صارله سنين
لا مر علي بحلم
ولا شفته شوف العين
ناشدت وين الفرح؟
كالولي متأسفين
ممنوع هسه الفرح ،، عن كل العراقيين
عموري ابني طلع مارد اله يومين
سالت كل البشر عموري ابني وين
كلمن يجاوب شكل زين الجواب وشين
واحد يكول معتقل يطلع بعد سنتين
واحد حجالي عمر اعرف طريقه منين
وداني للمشرحه وكالي دور على ابنك هين
ولكيت 100 عمر ولكيت 100 حسين
ولكيت كل الوطن يلطم على الخدين
مادام نبجي سوى منهو الكتل الاثنين
مادام نبجي سوى منهو الكتل الاثنين
ندعي سوه و احنه بهل الشدة ،، ربي كل باب حزن مفتوح رده
و كل تدفق دم يا ربي سده ،، و كافي ياموت سيفك كاعد اتحده
مو صبرنا بصبر أيوب و جده ،، و صبرنه سنين تره وصل حده
مد يا فرح شوي فراشك مده
.شو امكطع خيوطك وجم عكدة و عكدة
آخ شكد جثث بعد تحملين يا سده
و شكد يا فرات شوكك لدجله
حزني جبير و ما واصل حزن كده
واذا في يوم الدمع نكر خده ،، واذا في يوم البحر نكر مده
و اذا في يوم الشتا نكر برده
و الصيف صار الثلج عنده ،، ما انسى العراق و لا انسى شمته
يكلولي بس الموت هذا العراق عنده
أموت بحضن العراق تره ماكو وطن بعده
لا والله ماكو وطن بعده
لا والله ماكو وطن بعده
احلى شي ببغداد لمن يصير غروب
فوق الجسر تمشي انته والمحبوب
ودجله تحضنك حضن وتحس العمر مافات
وشكد حلوه لمت هلك وياهم تتعشى بالكريعات
ولو تجي وتفتر بعد وتدخل على المنصور
طيبة وحنان وعشق وأحلى طيور
والعيد عدنه حلو الله ياعيدي
يلله...خلي نقارن سوه !!
وايدك تضل بيدي
</BLOCKQUOTE>
الأربعاء أبريل 07, 2010 11:43 pm